Miembru de Xareos! Xestión Cultural. Fizo monólogos y guiones pa los espectáculos d'esta organización dende'l so aniciu. Nel añu 2006 algamó'l premiu "Pepe Campo" de monólogu qu'otorguen los Humanitarios de Samartín del Rei Aurelio pol testu 'Los asturianos al volante...' (a comuña con Inaciu Galán).

Tien escritos monólogos pal programa "La risión", de la TPA, y participó como actor en dellos espectáculos de monólogu y nel programa "Nomes d'Asturies", que dirixe Chechu García na RPA. Los sos testos tán espublizaos en delles revistes y ta antologáu nel llibru "¡Pa echar unes rises! Antoloxía de monólogu modernu", qu'espublizó Ediciones Trabe dientro de la so colección "Maestros del Humor", en 2008.

Na radio, collaboró nel programa "Asina foi... el Surdimientu", d'Onda Peñes.