Diplomáu en Turismu y Especialista en Xestión Cultural pola Universidá d'Uviéu, anguaño estudia Periodismu na UDIMA y ye xestor d'actividaes culturales de tou tipu. Ganó'l premiu «Enriqueta G. Rubín de Periodismu» en 2005. Dende 2007 presenta'l programa "Al aldu: xente de casa" na TPA y na Cadena Ser, los espacios "Xixón de cerca" y "Falando d'Asturies". En 2006 espublizó'l "Diccionariu básicu asturianu-inglés/inglés-asturianu". La so obra lliteraria ta espardida per revistes como Lliteratura, Lletres Asturianes, Reciella Malory, La Ratonera... y algamó premios como'l «Pepe Campo» de monólogos, en 2006 (xunto a Isaac G. de l'Arada) y 2008; el «Muyer y participación» de rellatu, Certame de rellatu curtiu La Caleya (Astorga, Lleón)... Apaez na antoloxía "L'álbum de Talía". Anguaño ye redactor del periódcu dixital Asturnews.com y Lliteratu.com . Foi presidente de l'asociación L'Arribada hasta la so dimisión en 2008. Como estudiosu espublizó con Marta Lozano Carbajal la 'Toponimia de La Collá (Conceyu de Siero)', cola qu'algamaron el premiu de recoyida oral de topononimia de l'Academia de la Llingua Asturiana. En 2008 coordinó l'antoloxía de monólogu modernu "¡Pa echar unes rises!".